საინჟინრო-გეოლოგიური კვლევა
გეოლოგიური მომსახურება თბილისში, რუსთავში, გარდაბანსა და ქუთაისში — გრუნტის კვლევა, ჭაბურღილების ბურღვა და საექსპერტო დასკვნა, შენობის საძირკვლისა და კონსტრუქციული მდგრადობის უზრუნველსაყოფად.
რატომ არის საინჟინრო-გეოლოგიური კვლევა აუცილებელი
ნებისმიერი შენობის სიმტკიცე იწყება საძირკვლით, საძირკველი კი — გრუნტის რეალური თვისებების ცოდნით. საინჟინრო გეოლოგია განსაზღვრავს გრუნტის ტიპს, სიმკვრივეს, საფარი ფენების სისქეს, მიწისქვეშა წყლების დონეს და სეისმურ პირობებს — ინფორმაციას, რომლის გარეშეც საძირკვლის სწორად დაპროექტება პრაქტიკულად შეუძლებელია.
საქართველოს სამშენებლო ნორმებით, საინჟინრო-გეოლოგიური კვლევისა და საექსპერტო დასკვნის არსებობა არქიტექტურული პროექტის შეთანხმების სავალდებულო ნაწილია — განსაკუთრებით მრავალსართულიანი, ან რთულ რელიეფზე განლაგებული ობიექტებისთვის.
გეოლოგიური მომსახურება ხელმისაწვდომია მთელი საქართველოს მასშტაბით:
რას მოიცავს გეოლოგიური კვლევა
- საძიებო ჭაბურღილების ბურღვა და გრუნტის ფენების აღწერა
- გრუნტის ნიმუშების აღება და ლაბორატორიული ანალიზი
- მიწისქვეშა წყლების დონისა და აგრესიულობის განსაზღვრა
- სეისმური და ჰიდროგეოლოგიური პირობების შეფასება
- ოფიციალური საექსპერტო დასკვნის მომზადება
მზა დოკუმენტაცია — საექსპერტო დასკვნა
კვლევის შედეგად გადმოგცემთ საინჟინრო-გეოლოგიურ დასკვნას (საექსპერტო დასკვნას) — დოკუმენტს, რომელიც სავალდებულოა არქიტექტურული პროექტის შეთანხმებისა და მშენებლობის ნებართვის მისაღებად და გამოიყენება საძირკვლის ტიპისა და სიღრმის სწორად დასაანგარიშებლად.
რა ჯდება საინჟინრო-გეოლოგიური დასკვნა
გეოლოგიური კვლევის ფასი ინდივიდუალურია და დამოკიდებულია ობიექტის ფართობზე, საჭირო ჭაბურღილების რაოდენობასა და სიღრმეზე, ასევე ობიექტის მდებარეობასა და რელიეფის სირთულეზე. ზუსტი ღირებულება და ვადები განისაზღვრება წინასწარი კონსულტაციისა და ობიექტის მონაცემების დაზუსტების შემდეგ — დაგვირეკეთ და მიიღეთ ინდივიდუალური შეთავაზება უფასოდ.
ჩვენი გეოლოგიური კვლევის ველზე
სამუშაო პროცესი
დაკავშირება
გვიზიარებთ ობიექტის მისამართს, დანიშნულებას და პროექტის მოცულობას.
საველე კვლევა
ვახორციელებთ ჭაბურღილების ბურღვასა და გრუნტის ნიმუშების აღებას ადგილზე.
ლაბორატორიული ანალიზი
ნიმუშები მუშავდება ლაბორატორიაში ფიზიკურ-მექანიკური მაჩვენებლების დასადგენად.
დასკვნის მომზადება
გადმოგცემთ ოფიციალურ საინჟინრო-გეოლოგიურ დასკვნას წარსადგენად მზა სახით.
ვისთვისაა განკუთვნილი
განსაკუთრებით მნიშვნელოვანია რთულ რელიეფზე, ან წყალთან/ფერდობთან ახლოს დაგეგმილი მშენებლობისთვის, სადაც გრუნტის არასწორი შეფასება პირდაპირ საფრთხეს უქმნის კონსტრუქციის მდგრადობას. დაწვრილებით — ჩვენს სტატიაში საინჟინრო-გეოლოგიური კვლევა მშენებლობის დაწყებამდე.
დავიწყოთ თქვენი პროექტი
მოგვწერეთ ობიექტის შესახებ — მდებარეობა, ფართობი და მიზანი — და უახლოეს დღეებში დაგიბრუნდებით შეთავაზებით.